Mae Culturenet Cymru yn cynnal cyfres o weithdai gyda’r bwriad o annog digido o fewn y sector dreftadaeth yng Nghymru.  Mae creu cynnwys digidol yn ganolog i strategaeth nifer o sefydliadau ac i hwyluso’r gwaith, mae Culturenet Cymru wedi datblygu set o ganllawiau ar y gwahanol agweddau i ddigido.

Bydd y gweithdai yn gyfle i glywed siaradwyr gwadd yn trafod eu profiadau o ddigido ac yn rhoi cipolwg ar botensial sydd gan ddigido i gyfoethogi casgliadau, estyn allan i’r sector addysg a grwpiau cymunedol, yn ogystal â’i ddefnydd ar gyfer arddangosfeydd a marchnata.

Bydd pawb sy’n mynychu yn derbyn copi o ganllawiau digido Culturenet Cymru sy’n cynnwys modiwlau ar hawlfraint, metadata, paratoi sganwyr a sganio, paratoi delweddau ar gyfer y we, archifo digidol a chadwraeth.  Maent yn ganllawiau syml gyda chamau hawdd i’w dilyn yn ogystal â ffynonellau gwybodaeth a chyngor pellach.

Bydd staff Culturenet Cymru a CyMAL yn bresennol yn y digwyddiadau i ateb cwestiynau a chynnig cyngor ar elfennau amrywiol digido – o chwilio am gyllid i sut ma’ arddangos eich casgliadau ar y we, a phopeth rhwng y ddau!

Dewch i’n gweld yn y llefydd canlynol:

2 Mawrth – Galeri, Caernarfon

3 Mawrth – Y Ganolfan Adnoddau Cyfryngol, Llandrindod Wells

4 Mawrth – Canolfan Dylan Thomas, Abertawe

Cynhelir pob digwyddiad rhwng 10 a 1.30 a bydd cinio ar gael ym mhob un.  I archebu lle, ewch i wefan Cymal…

Postiwyd yr erthygl hon ar Dydd Mawrth, Ionawr 26, 2010 at 10:50 am ac mae wedi ei ffeilio o dan Datganiadau. You can follow any responses to this entry through the RSS 2.0 feed. Responses are currently closed, but you can trackback from your own site.